Bydd yr adran hon o’r Game Locker yn cynnig lle penodol ac adnoddau perthnasol fydd yn rhannu gwybodaeth ar iechyd a lles. Dylai chwaraewyr benywaidd, eu hyfforddwyr a gwirfoddolwyr clybiau ystyried y wybodaeth hon wrth ddarparu unrhyw fath o weithgaredd sy’n cynnwys Rygbi.
Dolen Game Locker: <https://www.wrugamelocker.wales/en/>
Dywedodd Geraint John, Cyfarwyddwr Cymunedol Undeb Rygbi Cymru:“Mae Adran Gymunedol URC wedi’i hymroi i flaenoriaethu iechyd a lles o fewn ein gêm, ac rydym yn anelu at gynnig cymorth i’r clybiau o fewn ein cymunedau drwy ddarparu addysg ac adnoddau i’w cefnogi”
Mae yna rai ffactorau sy’n benodol i Rygbi Merched a Menywod a all effeithio perfformiadau o ganlyniad i wahaniaethau mewn anatomi, ffisioleg a hormonau rhwng rhywiau. Bydd rhai o’r pynciau hyn yn ffurfio rhan o’r adnoddau, gan gynnwys:
- Cylch mislif
- Diwedd y mislif
- Iechyd y fron
- Iechyd pelfig
- Beichiogrwydd
- Atal Anafiadau
Bydd yr adnoddau hyn yn cynnig gwybodaeth ar y pynciau uchod ynghyd ag awgrymiadau a chyfarwyddiadau ar sut i reoli iechyd a lles, ynghyd â gofynion corfforol chwarae’r gamp. Mae’r wybodaeth am y Cylch misol, Iechyd pelfig ac Atal Anafiadau ar gael heddiw, gydag adnoddau pellach yn i ddilyn yn fuan. Game Locker <https://www.wrugamelocker.wales/en/>
Mae’r adnoddau hyn wedi’u cynhyrchu gyda chymorth arbenigwyr yn eu maes ym Mhrifysgol Abertawe a chwaraewyr Rhyngwladol Menywod Cymru.
Joanna Perkins yw Ffisiotherapydd Tîm Menywod Cymru ac mae hi’n dweud, “Mae’r pwnc o iechyd a lles Menywod yn y maes proffesiynol yn agos iawn at fy nghalon, ac mae gallu cefnogi’r merched yn gyfle cyffrous, i ddatblygu’r gêm ymhellach yma yng Nghymru. Mae’r adnoddau hyn yn werthfawr i bob person all fod eu hangen nhw, o fewn eich clybiau a’ch cymunedau.”
Jo Perkins wrth ei gwaith
Cadw Llygad ar Anafiadau Cymuned URC
Mae’r prosiect cyffrous hwn yn anelu at adnabod yr ardaloedd risg anafiadau uwch mewn rygbi cymunedol i Ferched a Menywod, yng Nghymru a thu hwnt.
Mae Adran Gymunedol Undeb Rygbi Cymru wedi cydweithio gyda Phrifysgol Met Caerdydd i gymryd rhan mewn astudiaeth am anafiadau, sy’n berthnasol yn benodol ar gyfer chwaraewyr benywaidd.
Bydd yr ymchwil hwn yn casglu data ar raddfa a risgiau anafiadau o fewn gêm y Menywod mewn sawl gwlad.
Nod y prosiect yw ceisio dysgu sut y gall arferion meddygol a hyfforddi merched gael eu gwella, er mwyn sicrhau bod cynlluniau addas yn bodoli ac yn berthnasol.
Y gobaith yw y bydd y ffocws hwn ar les Menywod yn benodol o fewn gêm yn arwain at leihad mewn anafiadau a’u difrifoldeb, er mwyn cryfhau cryfder corfforol a chynyddu nifer chwaraewyr.
Dywed Lewis Cannon, Rheolwr Llesiant Cymunedol URC, “Mae’r prosiect hwn yn gyfle arbennig i rygbi cymunedol Merched a Menywod yng Nghymru, er mwyn adeiladu’r gêm a datblygu chwaraewyr a hyfforddwyr. Gallwn hefyd sicrhau adnoddau ac awyrgylch ddiogel ar gyfer chwaraewyr y presennol a’r dyfodol”.
Os hoffai eich clwb chi gymryd rhan yn y gwaith ymchwil penodol hwn er mwyn hyrwyddo iechyd a lles Merched a Menywod ein teulu rygbi yma yng Nghymru, cysylltwch â lcannon@wru.wales
