Mae SOS KitAid yn ailgylchu citiau chwaraeon er budd pobl ifanc yn y DU a thramor, er mwyn iddyn nhw gael cyfle i gymryd rhan mewn chwaraeon.
Mae’r elusen yn cael effaith gadarnhaol ac amlwg ar fywydau plant drwy roi cyfle iddynt gymryd rhan mewn gweithgareddau chwaraeon, ac mae’n hybu cynhwysiant cymdeithasol ac yn gwarchod yr amgylchedd drwy leihau’n sylweddol nifer y citiau chwaraeon sy’n cael eu hanfon i safleoedd tirlenwi.
Ar ôl cyrraedd y Clwb, aeth Shane ati’n gyntaf i gynnal sesiwn hyfforddi ar ffurf dosbarth meistr ar gyfer adran iau’r Clwb, ac yna bu’n helpu i lwytho’r cit chwaraeon a gasglwyd gan y Clwb i mewn i gefn y pic-yp ISUZU.
Diolchodd Shane i gadeirydd y Clwb, Richard Longman, am holl ymdrechion y Clwb a chyflwynodd iddo grys rygbi Cymru wedi’i lofnodi.
Meddai John Broadfoot, Prif Weithredwr SOS KitAid: ‘Rydym wrth ein bodd o weld y gefnogaeth frwd y mae Clwb Bryn-coch wedi’i chael. Bydd y cit a gasglwyd heddiw’n gwneud gwahaniaeth gwirioneddol i’r modd y mae pobl ifanc ddifreintiedig yn cymryd rhan mewn chwaraeon.’
