Yng nghartref tîm Warren Gatland, arwyr y Gamp Lawn ym Mhencampwriaeth y Chwe Gwlad, creodd y ddau dîm gêm gyffrous a oedd yn haeddu ei lle yn y Stadiwm, wrth i Claire Dean sgorio cais yn y funud olaf i gipio’r fuddugoliaeth i Abertawe.
Yn ystod yr hanner cyntaf, aeth y naill dîm ac yna’r llall ar y blaen wrth i bum cais gael eu sgorio yn ystod y 40 munud agoriadol, ond Abertawe oedd ar y blaen ar yr hanner gyda sgôr o 15-10. Sgoriwyd ceisiau Caerdydd gan Megan Jenkins a Lilianna Podpolic.
Tarodd Abertawe yn ôl gyda cheisiau gan Emma Hennessey, Emily Sheppy a’r capten Jess McCreery.
Yn ystod yr ail hanner, sgoriodd Caerdydd gais dadleuol trwy law Ceri Edwards. Rhoddwyd y cais ond roedd yn ymddangos nad oedd Edwards wedi cyrraedd y llinell.
Er hynny, nid oedd menywod Abertawe am gael eu curo mewn gornest gyffrous.
Croesodd Courtney Keight a Cerys Hurenkamp y llinell cyn i Dean sgorio’r cais tyngedfennol i selio’r fuddugoliaeth.
