Yn ôl yn 2018 – tra’n chwarae i’r Piod Pinc – fe ddioddefodd hi anaf gwael a dywedwyd wrthi na fyddai fyth yn cerdded eto.
Ond mae Rhian, sy’n fam i ddau o blant, yn fenyw a hanner – ac yn groes i’r holl ddarogan – mae hi wedi ail-ddysgu ei hun i gerdded ac mae hi wedi ymuno gyda thîm ‘Stryd i’r Sgrym’ S4C er mwyn cynorthwyo Scott Quinnell wrth hyfforddi’r tîm T1 newydd sy’n cynnwys cymeriadau arbennig o bob rhan o Gymru.
Cyn pennod ddiweddaraf y gyfres fydd yn cael ei darlledu am 9.00pm heno – fe gafodd Rhian wireddu breuddwyd wrth wylio carfan dynion Cymru’n ymarfer yn Hensol a chyfarfod Warren Gatland ei hun.
Mae Rhian hefyd bellach ar gwrs hyfforddi ffurfiol gydag Undeb Rygbi Cymru.
Dywedodd Cyfarwyddwr Cymunedol Undeb Rygbi Cymru, Geraint John: “ Mae stori Rhian yn anhygoel. Mae’r ffaith ei bod hi’n gallu cerdded eto a dysgu sut i hyfforddi – yn dweud llawer iawn am ei chymeriad”.
Dywedodd Rhian Roberts: “Oni bai am y plant bydden i mewn cadair olwyn o hyd. ‘Roedd yn wych cwrdd â Warren Gatland a gweld y bois yn ymarfer. Oni bai mod i wedi cael y ddamwain – ‘falle na fydden ni wedi cael y profiad o weld y garfan – a fydden ni heb gel y cyfle i fynd ar y cwrs hyfforddi ‘da’r Undeb. Mae pethe’n chwerw felys ond mae rygbi wastod wedi bod yn fy ngwaed.”
Stryd i’r Sgrym
Nos Fawrth – S4C – 9.00pm
Diwrnod i'w gofio i Rhian o Stryd i'r Sgrym wrth iddi gwrdd a neb llai na Warren Gatland. 🏉
As part of Rhian's journey to become a rugby coach, she got to meet non-other than Warren Gatland. 🤩
🏉 Stryd i'r Sgrym
📅 Heno | Tonight
🕘 9.00pm
📺 @S4C@WelshRugbyUnion pic.twitter.com/SIdP1zVJJH— S4C Chwaraeon 🏴 (@S4Cchwaraeon) February 27, 2024
