Yr ymwelwyr oedd ar y blaen o 10-6 wrth droi wedi iddyn nhw fwynhau meddiant cyson yn nwy ar hugain y Pencampwyr presennol.
Er i ddwy gic gosb y maswr Jack Maynard roi’r Porthmyn ar y blaen – cic gosb a throsiad Arwel Robson – yn dilyn cais yr wythwr Morgan Allen wedi hanner awr o chwarae – roddodd yr oruchafiaeth i Gaerdydd ar yr egwyl.
Stori wahanol gafwyd wedi troi wrth i’r maswr Ioan Hughes a’r eilydd Kian Abraham groesi am geisiau o fewn tri munud i’w gilydd cyn i ddau gais cofiadwy un o sêr academi’r Scarlets, Macs Page gau pen y mwdwl ar y fuddugoliaeth.
Yn anffodus, bu’n rhaid cludo capten Llanymddyfri, Jack Jones o’r maes gydag anaf difrifol gyda 10 munud ar ôl ac felly ni fydd e far gael ar gyfer y Rownd Derfynol yn erbyn Casnewydd ar Fanc yr Eglwys am 2.30 pm y Sadwrn hwn.
04.05.24 – Un o dri chais Joe Westwood.
Casnewydd fydd yn ymweld â Llanymddyfri ar gyfer y Ffeinal wedi iddyn nhw guro Glyn Ebwy’n gyfforddus o 48-13 gyda chwaraewr o dan 20 Cymru Joe Westwood yn tirio deirgwaith.
Che Hope, Elliot Frewen a Lloyd Lewis hawliodd geisiau eraill y tîm cartref gyda’r maswr Matt O’Brien yn trosi’r chwe chais a hefyd ddwy gôl gosb.
Hawliodd Evan Lloyd gyfanswn o 8 pwynt wrth iddo lwyddo gyda dwy gôl gosb yn ystod yr hanner cyntaf a throsiad wedi i Owen Conquer dirio unig gais cysur Gwŷr y Dur.
Hon oedd 15ed buddugoliaeth Casnewydd yn olynol sy’n ychwanegu hyd yn oed mwy o awch i’r Rownd Derfynol wrth iddyn nhw geisio cipio’r wobr fawr oddi ar y Pencampwyr presennol y penwythnos hwn.
