Mae symud yn bwysig i’n hiechyd meddwl, felly mae’r Wythnos Ymwybyddiaeth Iechyd Meddwl hon yn annog pobl i ddod o hyd i gyfleoedd i symud yn eu bywyd o ddydd i ddydd. Mynd am dro, gwrando ar eich hoff gerddoriaeth a dawnsio o gwmpas yr ystafell fyw, neu ymarferion syml wrth wylio’r teledu – Gwnewch y pethau bychain!
Mae ein clybiau rygbi cymunedol yn chwarae rhan hanfodol, gan ddarparu cyfleoedd ymarfer corff cyson i bawb sy’n cymryd rhan gan wella lles, a gwella ymwybyddiaeth feddyliol.
Mae URC wedi ymrwymo i roi lles wrth galon ein gêm. Ein nod yw darparu addysg, arweiniad, a’r offer i’ch helpu i fyw bywyd iachach a hapusach! Gall siarad am eich pryderon a’ch problemau wneud pethau’n haws. Mae URC wedi datblygu Canolfan Lles fel adnodd i ddarparu addysg, arweiniad ac offer i glybiau a chwaraewyr i gynorthwyo gyda materion lles.
SIARADWCH Â RHYWUN OS NAD YDYCH CHI’N IAWN!
Meddai Geraint John, Cyfarwyddwr Cymunedol URC, ‘Mae cymaint o’n clybiau wedi cofleidio cefnogi mentrau iechyd meddwl ac maent yn gweithio i wella lles meddyliol eu chwaraewyr a’u gwirfoddolwyr, i helpu i greu amgylcheddau rygbi diogel a chadarnhaol.’
Beth yw Wythnos Ymwybyddiaeth Iechyd Meddwl?
Mae’n digwydd bob blwyddyn, a dyma’r cyfle mwyaf i wledydd y DU ddod at ei gilydd i ganolbwyntio ar gael iechyd meddwl da. Nod yr wythnos yw mynd i’r afael â stigma a helpu pobl i ddeall a blaenoriaethu eu hiechyd meddwl nhw ac eraill.
Mae Wythnos Ymwybyddiaeth Iechyd Meddwl yn hanfodol er mwyn cynyddu dealltwriaeth y cyhoedd o iechyd meddwl a sut y gellir atal problemau iechyd meddwl.
Cysylltwch â ni:
Mae gennym linell Uniondeb ar waith, a ddatblygwyd i annog cyfranogwyr y gêm i siarad â’r cysur y bydd rhywun yn gwrando arnynt, a bydd eu pryderon yn cael eu trin yn sensitif.
Llinell Uniondeb URC – 02920 822200 Blwch Post Uniondeb URC: integrity@wru.cymru
