Gwobrau Gwirfoddolwyr Cymunedol URC 2024
Gwobrau Gwirfoddolwyr Cymunedol Undeb Rygbi Cymru 2024
Bydd Gwobrau Gwirfoddolwr Cymunedol y Flwyddyn (URC) 2024 yn dathlu ac yn cydnabod Gwirfoddolwyr ar draws ein gêm Gymunedol a’u cyflawniadau yn ystod y deuddeg mis diwethaf a chyn hynny hefyd.
Gellir enwebu unigolion neu glybiau sydd wedi mynd y tu hwnt i’r disgwyl gyda’u hymdrechion gwirfoddoli yn y gêm gymunedol gan gyflawni llwyddiannau nodedig yn ystod y deuddeg mis diwethaf.
Bydd y broses enwebu yn cau am 23:59 ar 4 Mawrth 2024, a’r bwriad ar hyn o bryd yw cynnal digwyddiad Gwobrau Gwirfoddolwr Cymunedol y Flwyddyn (URC) ddydd Gwener 31 Mai 2024 (Bydd Undeb Rygbi Cymru’n cadarnhau’r union fanylion mewn da bryd).
Categorïau a meini prawf
Rhaid i’r holl wybodaeth ar gyfer pob categori (ar wahân i Wobr y Llywydd) fod yn gysylltiedig ag unrhyw weithgaredd gwirfoddoli a wnaed mewn rygbi cymunedol yng Nghymru o 1 Gorffennaf 2023 ymlaen. Gellir cynnwys manylion am weithgareddau cyn hynny ond mae’n rhaid nodi cyflawniadau o fewn y cyfnod penodol hefyd.
Rhaid i bob enwebiad dilys a gyflwynir i URC ddangos yn glir pam eich bod yn credu y dylid cydnabod eich enwebiad fel rhan o Wobrau Gwirfoddolwr Cymunedol y Flwyddyn (URC) 2024. Wrth gyflwyno enwebiad, dylech ystyried y meini prawf a ddarperir ar gyfer pob categori a dangos lle rydych yn teimlo bod eich enwebiad yn bodloni’r meini prawf allweddol gan ddarparu enghreifftiau clir.
Ni ddylai unrhyw berson sy’n cael eu henwebu fod wedi derbyn taliad (ac eithrio treuliau) am eu gwaith. Bwriad y gwobrau hyn yw cydnabod gwirfoddolwyr sy’n rhoi o’u hamser am ddim gan arddangos eu cariad at y gamp a’u cymuned.
Efallai y byddwch hefyd am enwebu unigolyn mewn mwy nag un categori os yw’n bodloni’r meini prawf. Er bod hyn yn bosibl, nodwch y bydd angen i chi gyflwyno ffurflen enwebu ar wahân ar gyfer pob categori lle rydych yn dymuno cyflwyno enwebiad.
Awgrymiadau
Rydym wedi rhestru isod rai awgrymiadau am ymarfer da i’w hystyried wrth gyflwyno cais:
• Gwnewch yn siwr eich bod yn darllen y meini prawf i sicrhau eich bod yn gwneud cais yn y categori cywir.
• Dylech gynnwys tystiolaeth os yw’n bosibl mewn unrhyw enwebiadau(au) rydych yn eu cyflwyno.
• Cadwch at y terfyn geiriau o 250 a rhowch atebion mewn pwynt bwled os oes angen.
Gellir dod o hyd i gategorïau’r gwobrau isod.
Sut i Enwebu
• Rhowch fanylion eich enwebiad ar ffurflen enwebu Gwobrau Gwirfoddolwr Cymunedol y Flwyddyn (URC) 2024, sydd ar gael yma.
• Bydd enillwyr Gwobrau Gwirfoddolwr Cymunedol y Flwyddyn (URC) 2024 yn cael eu dewis yn seiliedig ar deilyngdod gan URC yn unig.
• Bydd y broses enwebu’n cau am hanner nos 4 Mawrth 2024.
• Drwy gofrestru ar gyfer, a chyflwyno unrhyw gais i, Wobrau Gwirfoddolwr Cymunedol y Flwyddyn (URC) 2024, rydych yn cadarnhau eich bod wedi:
– darllen, deall a chytuno y byddwch yn cydymffurfio â’r Telerau ac Amodau Gwobrau.
Os bydd eich enwebiad yn llwyddiannus yng Ngwobrau Gwirfoddolwr Cymunedol y Flwyddyn (URC) 2024, byddwch chi ac unrhyw berson perthnasol arall yng nghyd-destun y Wobr yn cydymffurfio’n llawn â thelerau ac amodau’r Gwobrau. Byddwch hefyd yn cydymffufrio gydag unrhyw gyfarwyddiadau a thelerau penodol eraill (gan gynnwys ond heb fod yn gyfyngedig i unrhyw gyfarwyddiadau penodol sydd wedi’u cynnwys yn yr adran hon o wefan URC).
Mae’r wobr hon ar gyfer Hyfforddwr Cymunedol Gwirfoddol benywaidd rhagorol sydd wedi cyfrannu’n sylweddol at ddatblygiad sgiliau’r bobl y mae’n eu hyfforddi.
Meini prawf
Wedi darparu sesiynau hyfforddi rheolaidd o ansawdd da, gan ddiwallu anghenion pawb sy’n cymryd rhan
Wedi gwreiddio arferion cynhwysol yn eu sesiynau, gan helpu i gael gwared ar rwystrau i gymryd rhan a lleihau anghydraddoldebau mewn rygbi
Wedi helpu cyfranogwyr i ddatblygu eu sgiliau, magu hyder a chadernid a datblygu agwedd gadarnhaol tuag at rygbi
Wedi mabwysiadu dull sy’n canolbwyntio ar y person o hyfforddi, gan gymryd amser i ddeall anghenion ac amcanion eu cyfranogwyr a’u helpu i gyrraedd eu potensial
Wedi bod yn ysbrydoliaeth ac yn esiampl gadarnhaol
Wedi buddsoddi amser ac egni yn ei datblygiad ei hun ac yn meddu ar gymhwyster URC cydnabyddedig sy’n briodol i’r lefel y mae’n hyfforddi arni
Mae’r wobr hon ar gyfer Hyfforddwr Cymunedol Gwirfoddol gwrywaidd rhagorol sydd wedi cyfrannu’n sylweddol at ddatblygu sgiliau’r bobl y maent yn eu hyfforddi.
Meini Prawf
Wedi cyflwyno sesiynau hyfforddi cyson o ansawdd, gan ddiwallu anghenion yr holl rai sy’n cymryd rhan
Wedi ymgorffori arferion cynhwysol yn eu sesiynau, gan helpu i gael gwared ar rwystrau sy’n atal pobl i gymryd rhan a lleihau anghydraddoldebau mewn rygbi
Wedi helpu’r rhai sy’n cymryd rhan i ddatblygu eu sgiliau, magu hyder a gwytnwch a datblygu agwedd gadarnhaol tuag at rygbi
Wedi mabwysiadu dull sy’n canolbwyntio ar hyfforddi gyda phobl yn ganolog i’r hyfforddiant hwnnw – gan gymryd amser i ddeall anghenion y bobl hynny a’u helpu i gyrraedd eu potensial.
Wedi bod yn ysbrydoliaeth ac yn fodel rôl cadarnhaol
Wedi buddsoddi amser ac egni yn eu datblygiad eu hunain ac mae ganddynt gymhwyster cydnabyddedig URC sy’n briodol i’r lefel y maent yn ei hyfforddi
Gall y person gaiff eu henwebu yn y categori hwn fod yn derbyn taliad am wasanaethau hyfforddi ac mae’n berthnasol i Hyfforddwr o dimau Uwch Gynghrair y Menywod ac is na hynny. Mae hefyd yn berthnasol i Hyfforddwr ym Mhencampwriaeth y dynion ac is na hynnny.
Mae’r wobr hon ar gyfer Hyfforddwr Cymunedol Gwirfoddol Benywaidd rhagorol sydd wedi cyfrannu’n sylweddol at ddatblygu sgiliau’r bobl y maent yn eu hyfforddi.
Meini Prawf
Wedi cyflwyno sesiynau hyfforddi cyson o ansawdd, gan ddiwallu anghenion yr holl rai sy’n cymryd rhan
Wedi ymgorffori arferion cynhwysol yn eu sesiynau, gan helpu i gael gwared ar rwystrau sy’n atal pobl i gymryd rhan a lleihau anghydraddoldebau mewn rygbi
Wedi helpu’r rhai sy’n cymryd rhan i ddatblygu eu sgiliau, magu hyder a gwytnwch a datblygu agwedd gadarnhaol tuag at rygbi
Wedi mabwysiadu dull sy’n canolbwyntio ar hyfforddi gyda phobl yn ganolog i’r hyfforddiant hwnnw – gan gymryd amser i ddeall anghenion y bobl hynny a’u helpu i gyrraedd eu potensial.
Wedi bod yn ysbrydoliaeth ac yn fodel rôl cadarnhaol
Wedi buddsoddi amser ac egni yn eu datblygiad eu hunain ac mae ganddynt gymhwyster cydnabyddedig URC sy’n briodol i’r lefel y maent yn ei hyfforddi.
Gall y person gaiff eu henwebu yn y categori hwn fod yn derbyn taliad am wasanaethau hyfforddi ac mae’n berthnasol i Hyfforddwr o dimau Uwch Gynghrair y Menywod ac is na hynny. Mae hefyd yn berthnasol i Hyfforddwr ym Mhencampwriaeth y dynion ac is na hynnny.
Mae’r wobr hon ar gyfer Hyfforddwr Cymunedol Gwirfoddol Gwrywaidd sydd wedi cyfrannu’n sylweddol at ddatblygu sgiliau’r bobl y maent yn eu hyfforddi.
Meini Prawf
Wedi cyflwyno sesiynau hyfforddi cyson o ansawdd, gan ddiwallu anghenion yr holl rai sy’n cymryd rhan
Wedi ymgorffori arferion cynhwysol yn eu sesiynau, gan helpu i gael gwared ar rwystrau sy’n atal pobl i gymryd rhan a lleihau anghydraddoldebau mewn rygbi
Wedi helpu’r rhai sy’n cymryd rhan i ddatblygu eu sgiliau, magu hyder a gwytnwch a datblygu agwedd gadarnhaol tuag at rygbi
Wedi mabwysiadu dull sy’n canolbwyntio ar hyfforddi gyda phobl yn ganolog i’r hyfforddiant hwnnw – gan gymryd amser i ddeall anghenion y bobl hynny a’u helpu i gyrraedd eu potensial.
Wedi bod yn ysbrydoliaeth ac yn fodel rôl cadarnhaol
Wedi buddsoddi amser ac egni yn eu datblygiad eu hunain ac mae ganddynt gymhwyster cydnabyddedig URC sy’n briodol i’r lefel y maent yn ei hyfforddi.
Mae’r wobr hon ar gyfer gwirfoddolwr rhagorol sy’n gweithio mewn clwb cymunedol.
Dylai’r person yma fod wedi hyrwyddo gwerthoedd rygbi’r undeb o fewn eu clwb yn gadarnhaol, sicrhau cydymffurfiaeth â’r rheolau a’r rheoliadau, a datblygu amgylchedd cadarnhaol a diogel i bawb.
Meini Prawf
Wedi neilltuo cryn dipyn o amser i’w gwirfoddoli, gan alluogi rygbi i dyfu’n ddiogel ac yn gadarnhaol
Wedi dylanwadu ar gynlluniau lles chwaraewyr, er mwyn sicrhau eu diogelwch
Cydlynu cyflwyno rhaglenni addysg sy’n gysylltiedig ag uniondeb a hygrededd
Cefnogi cynlluniau i hyrwyddo ymddygiad cadarnhaol trwy brotocolau ymddygiad ar ddiwrnod gêm.
Mae’r wobr hon ar gyfer gwirfoddolwr rhagorol, sy’n gweithio mewn clwb cymunedol, sy’n gyfrifol am ddiogelu a hyrwyddo ymddygiad diogel a chadarnhaol.
Mae’r cyfrifoldebau hyn yn cynnwys –
Cydlynu a chynnal cydymffurfiaeth mewn perthynas â recriwtio a chadw gwirfoddolwyr drwy’r broses Gwasanaeth Datgelu a Gwahardd (DBS).
Gweithredu fel y pwynt cyswllt cyntaf i chwaraewyr, rhieni, gofalwyr a gwirfoddolwyr eraill ynghylch unrhyw bryderon am unrhyw faterion lles, arferion gwael neu gam-drin.
Bod yn bwynt cyswllt i Undeb Rygbi Cymru ynghylch unrhyw faterion diogelu.
Cyfrifoldeb am reoli materion diogelu ac adrodd i’r uwch bwyllgor rheoli neu’r Bwrdd.
Meini Prawf
Wedi neilltuo cryn amser i wirfoddoli fel Swyddog Gweithredol, gan ddatblygu dull blaengar o bwysleisio pwysigrwydd mynnu safonau diogelu uchel
Wedi cefnogi hyfforddwyr a rheolwyr tîm i osod safonau ar gyfer cydymffurfio â’r GDG/DBS a recriwtio gwirfoddolwyr yn ddiogel
Wedi cydlynu’r gwaith o ddarparu hyfforddiant diogelu ar gyfer hyfforddwyr a gwirfoddolwyr eraill
Darparu arweinyddiaeth am gynlluniau ataliol diogel trwy ddatblygu amgylchedd diogel a chadarnhaol yn eu clwb.
Mae’r wobr hon ar gyfer gwirfoddolwr 25 oed neu iau sy’n gweithio’n rhagorol mewn clwb cymunedol. Mae’r wobr hon ar gyfer person ifanc sydd wedi buddsoddi amser yn eu datblygiad fel gwirfoddolwr ac sydd wedi cael effaith sylweddol yn eu cymuned.
Meini Prawf
Wedi bod yn arweinydd ar ran rygbi yn eu cymuned
Wedi ymgorffori arferion cynhwysol yn eu gwirfoddoli ac wedi helpu i gael gwared ar rwystrau a lleihau anghydraddoldebau mewn chwaraeon yn ogystal â hyrwyddo gweithgarwch corfforol
Wedi mabwysiadu dull sy’n canolbwyntio ar wirfoddoli, gan gymryd amser i ddeall anghenion pobl tra’n cefnogi eraill
Mae wedi bod yn ysbrydoliaeth ac yn fodel rôl cadarnhaol
Wedi neilltuo cryn dipyn o amser i’w gwirfoddoli gan alluogi rygbi i dyfu
Mae’r wobr hon ar gyfer codwr arian eithriadol sydd wedi creu arian sylweddol i’w clwb.
Mae’r wobr hon yn cydnabod gwirfoddolwr unigol sydd wedi gwneud cyfraniad rhagorol tuag at godi arian yn eu clwb.
Meini Prawf
Arddangos ymrwymiad eithriadol i’w gweithgarwch di-dâl
Cydweithio gyda phobl leol gyda’r gwaith neu’r prosiect
Budd hirdymor i’r clwb lle mae’r gwaith yn cael ei wneud
Profiad o ganlyniadau a chyflawniadau cadarnhaol
Hyrwyddo cydweithio
Ymrwymiad hir ac eithriadol i sefydliad.
Cyflwynir y wobr hon i glwb sydd wedi cael effaith sylweddol ar ddatblygiad rygbi yn y Gymuned.
Meini Prawf
Dangos cysylltiadau cryf â’r gymuned leol
Wedi ymrwymo i fod yn glwb cynhwysol a darparu cyfleoedd i bawb
Wedi’i strwythuro’n dda gyda chynlluniau clir ar gyfer y dyfodol
Clwb sydd â chynlluniau clir ar gyfer recriwtio, cydnabod a gwobrwyo gwirfoddolwyr
Bydd y wobr hon yn cael ei rhoi i wirfoddolwr rhagorol mewn rôl nad yw’n hyfforddi neu’n gweinyddu.Mae’r wobr hon ar gyfer unigolion dros 25 oed sydd wedi gwneud cyfraniad sylweddol i ddatblygiad rygbi yn eu cymuned.
Meini Prawf
Wedi bod yn wirfoddolwr yn eu clwb neu gymuned – a heb eu cyfraniad – ni fyddai rygbi yr un peth yno
Wedi ymgorffori arferion cynhwysol yn eu gwirfoddoli a’r gymuned / clwb, gan helpu i gael gwared ar rwystrau ac anghydraddoldebau i bobl gael mynediad at rygbi
Wedi mabwysiadu dull o wirfoddoli sy’n canolbwyntio ar yr unigolyn, gan gymryd amser i ddeall anghenion pobl a chefnogi eraill.
Wedi neilltuo amser sylweddol i rygbi
Bydd y wobr hon yn cael ei chyflwyno i unigolyn eithriadol sydd wedi gwneud cyfraniad arbennig gydo oes (dros 30 mlynedd) sy’n ymroddedig i rygbi yn y gymuned fel gwirfoddolwr.
Meini Prawf
Mae wedi neilltuo blynyddoedd lawer o wirfoddoli ar ran rygbi yn eu cymuned. Hebddyn nhw, ni fyddai eu clwb / rygbi yn eu cymuned yr un fath.
Maent wedi bod yn ysbrydoliaeth ac yn fodel rôl cadarnhaol
Maent wedi gwella eu clwb a’u rygbi yn eu cymuned yn sylweddol. Felly hefyd yr unigolion y maent wedi cydweithio’n ymroddedig gyda nhw dros y blynyddoedd
Maent wedi mynd y ‘filltir ychwangeol’.
Mae’r wobr hon ar gyfer dyfarnwr neu ddyfarnwr cynorthwyol gwirfoddol rhagorol sy’n gwneud ei waith o ganlyniad i’w cariad at y gêm. Byddai’r wobr hon yn berthnasol i berson sy’n rhoi o’u hamser i ofalu am gemau mini ac ieuenctid.
Dylai’r person ddyfarnu’n rheolaidd mewn gemau mini ac ieuenctid
Mae’r person wedi bod yn ysbrydoliaeth ac yn fodel rôl cadarnhaol
Mae’r person yn cynnal gwerthoedd y gêm ac yn cael effaith gadarnhaol ar ddatblygiad chwaraewyr
Rhaid i’r person hwn feddu ar gymhwyster cydnabyddedig Undeb Rygbi Cymru – o leiaf lefel un
Dysgu WRU yw’r llwyfan dysgu ac addysgu ar-lein ar gyfer pawb sy’n ymwneud â rygbi mewn Clybiau Cymunedol. Bydd y wobr hon yn dathlu “Dysgwr y Flwyddyn Dysgu WRU!”
