Gwelodd gêm Plât Undeb Rygbi Cymru ym Mharc Llwyn Ty Gwyn gannoedd o gefnogwyr yn dod allan i weld eu harwr yn dychwelyd i’r maes.
Dros gyfnod o 16 mlynedd, cafodd y gŵr 39 oed yrfa ddisglair iawn fel chwaraewr, lle enillodd 94 o gapiau i Gymru a chwarae mewn pum gêm brawf i’r Llewod.
Chwaraeodd hefyd i Gaerdydd, y Gweilch, Scarlets, Sale, Racing 92 a Bayonne.
Ond y clwb lle dechreuodd ei yrfa fel bachgen ifanc hawliodd ei sylw ddydd Sadwrn, a gwnaeth ddigon i helpu ei dîm i gipio’r fuddugoliaeth a olygai’r byd iddo.
“Roedd yn braf bod yn ôl,” meddai Phillips ar ôl y gêm.
“Roedd hi’n gêm fawr ac yn berfformiad mawr gan y bois.
“I fod yn deg, roedd lefel sgiliau’r bois yn drawiadol iawn.
“Roeddwn i’n ceisio osgoi taclo cymaint ag y gallwn ond eto, roedd adegau pan oeddwn i’n meddwl fy mod i’n 19 oed eto ac yn ffeindio fy hun yn mynd dros ben llestri!
“Roedd y coesau’n teimlo’n dda. Rydw i wedi bod yn gwneud cryn dipyn o ymarfer, ond sioc yr ergydion yn y taclo ddaru fy nharo i fwyaf. Mae gen i ffydd yn fy ngallu pob tro!
