Cyhoeddodd George North yr wythnos hon ei fod am ymuno gyda chlwb Provence yn Ffrainc dros yr haf pan fydd yn ymuno gyda’i gyd-Gymro Tomas Francis yno.
Bydd Coleg Llanymddyfri yn herio Ysgol Gymraeg Glantaf yn y Rownd Derfynol yn Stadiwm Principality – maes sy’n hynod o gyfarwydd i George North wrth gwrs.
Enillodd y cyntaf o’i 118 o gapiau ar y maes hwnnw yn erbyn De Affrica yn 2010. Fe sgoriodd North oedd ond yn ddeunaw oed ar y pryd ddau gais yn ystod y gêm.
Mae North yn un o bum Cymro’n unig i chwarae mewn 4 Cwpan y Byd.
Mae George North yn ymwybodol iawn o’r cyfraniad wnaeth y coleg i’w ddatblygiad fel chwaraewr rygbi ac fel unigolyn hefyd:
“Mae gennyf atgofion melys iawn am fy amser yn Llanymddyfri.
“Dwi’n cofio pa mor hardd ydi’r lle a’r ffaith bod Tredegar – cae rygbi y tîm cyntaf – reit yng nghanol adeiladau’r campws
“Roedd pawb yn y coleg yn hynod o falch o’r tîm rygbi ac yn angerddol yn eu cefnogaeth hefyd.’Roedd pawb yn dod i wylio’r gemau cartref oedd yn wych.
“Oes oeddech yn chwarae i’r tîm cyntaf yn erbyn yr hen elyn Aberhonddu – ‘roeddech yn haeddu eich sannau coch arbennig. ‘Roedd hynny’n grêt.
“Ro’n i’n caru fy nghyfnod yng Ngholeg Llanymddyfri a’r ffrindiau wnes i yn ystod y cyfnod hwnnw. Wrth fyw yn y coleg – fe wnes i ffindiau am oes – pobl sydd yn dal yn agos iawn ataf hyd heddiw.
“Pob lwc i Goleg Llanymddyfri yn erbyn Glantaf yn y Ffeinal.
“Chwaraewch yn dda, mwynhech yr achlysur ac ewch amdani bois!”
